Qoǵam belsendisi Muhtar Taıjan men bıznesmen Marǵulan Seısembaev arasynda sot prosesi boıynsha Joǵarǵy sot Seısembaıdyń shaǵymyn qanaǵattandyrmady. Bul týraly Muhtar Taıjan óziniń facebook paraqshasynda habarlady.

– Ótken aptada joǵarǵy sot isti qaıta qaraý boıynsha Marǵulan Seısembaevqa bas tartty. Bul onyń sońǵy úmiti edi. Buǵan qosa Almatynyń Bostandyq aýdandyq soty onyń sot sheshimin atqarýdy soza turý týraly ótinishin qanaǵattandyrmady. Sondaı-aq sot onyń advokattaryna ketken 4 mln teńgeden astam shyǵyndy menen talap etý týraly ótinishin qabyldamady, – dedi ol.

Sonymen qosa Muhtar Taıjan Marǵulan Seısembaev ózinen kópshilik aldynda keshirim surap, moraldyq shyǵyndy májbúrli óndirý boıynsha Almaty qalasy sot oryndaýshysymen kelisimge kelgenin aıtty. Sózinshe, sot sheshimi tolyq oryndalǵansha, Marǵulan Seısembaevtyń jeke shottary buǵattalyp, shetelge shyǵýǵa tyıym salynady.